آيات أحمد/ayotaaa

Admin عدد الرسائل : 79 تاريخ التسجيل : 06/12/2008

آآيات أحمد خميس

في الصف الثالث الإعدادي
سجلت في الموقع تحت إسم
ayotaaa

ماذا تقولي عن نفسك يا آيات؟؟

[انا ايات احمد فى الصف الثالث الاعدادى بحب مدرستى جدا ومدرسينى لانى حاسه انهم بجد عائلتى التانيه بحب اشارك فى المواضيع الاجتماعيه اوى عندى رؤيه كويسه وبقدر اشارك فى اكتر من مجال اولهم السياسة

أنا أسيل خميس من مدرسة أجيال الخاصة في الإسكندرية
الصف الثالث الإعدادي
هواياتي كتيرة أهمها الرسم ودراسة اللغة اليايانية
وتأليف الأغاني والقصص

وليكم عندي مفاجأة بس تعرفوها في ميعادها
فرصة حلوة إن نكون اصحاب يا أيات

عندي فكرة جميلة

تعالي نتكلم بصراحة عن مدرسينا اللي بيعجبنا فيهم واللي عاوزينه يتغير
ايه رأيك؟
كلميني عن مدرس أومدرسة من عندك وأنا اكلمك عن مدرس من عندي

يعني فرصة ان نقول رأينا بصراحة
احنا تالتة اعدادي موش صغيريين

ايه رأيك يا عسولة؟؟
كلميني عن مدرسينك ومدرساتك وفي كل مرة شخص

موضوع: رد: آيات أحمد/ayotaaa الأحد 29 مارس 2009, 5:49 pm

اكيد فكره حلوه من احلى اسيل
بجد مدرستى شايفاها حلوه مهما كانت بس اكيد فى سلبيات فى المدرسه اولها ان المدرسه مافيهاش امكانيات كفايه علشان نتطور كطلاب
مثلا تجارب العلوم الكتير منها مش بيتعمل كمان فى مشكله حصص الاحتياطى كتير اووى وبالنسبه للمدرسين نبدا باستاذه انتصار عبد المنعم بجد من احلى المدرسات طريقه تعاملها مع البنات مش زى اى حد بيتعامل معانا بنحس انها اختنا مش مدرستنا بس اكيد وقت الجد جد
وياريت لو شافت الكلام ده تكتب رايها
بجد فرحانه اووى انى اتعاملت معاكى يا جميل وياريت نكون بجد اصحاب
ايات احمد

بالنسبة لمدرستي هية فعلا حلوة و متميزة بس أكيد زي مافيها إيجابيات أكيد فيها سلبيات...
و أبرز حاجة بتضايقنا إحنا البنات في مدرستنا هو التفريق بين الولاد و البنات في المدرسة
و أخر حاجة حصلت مؤخرا دليل على كده هو إن كان في أجازة نص السنة مسابقة عملاها مكتبة الإسكندرية لطلاب و طالبات إعدادي في كل المدارس و المسابقة كانت عن الفلك(مسابقة علمية) و للأسف المدرسة اختارت مجموعة ولاد من تانية و تالتة إعدادي و مفيش و لا بنت عرفت بالمسابقة لحد مظهرت النتيجة بتاعت المسابقة الإسبوع اللي فات و محدش كان عارف حاجة عن المسابقة ديه
و دلوقتي بعد ممدرستنا كسبت الولاد هيسافرو تونس خمس أيام عشان المسابقة العالمية
ولما اشتكينا قالوا كل ده عشان البنت مينفعش تسافر و لا تعسكر لوحديها من غير ميكون معاها حد من أهلها طبعا إحنا اشتكينا و طالبنا بحنا بس بعد إيه...............؟
كان المفروض يعرفوا الجميع بموضوع المسابقة والتقدير بعد كده للأهل
و مهما كان المدرسة فيها المدرسين طيبين و بنحبهم و بيحيونا

اهم حاجة بقى هو معرفتنا أنا وانت ببعض
وحانبقى دايما صحاب موش كده يا أيوتا؟؟؟

اكيد طبعا يا عسل هنكون اصحاب
اكلمك بقى عن تانى مدرس فى المدرسه وهو استاذ اسامه ابو بكر مدرس الغه العربيه مع ان القب بتاعه مش مدرس اول بس بجد يستحق يكون احسن مدرس بيعلمنا قبل ما نتعلم نعرف نفكر ونتكلم وناخد حقوقنا بس اكيد مانطالبش بحقوقنا قبل ما نعطى واجبنا ممكن تعرفى تتناقشى معاه بس اكيد بحدود ومش هقولك على شرحه فى الماده بيحاول يعطينا كل حاجه من غير مانحس ان ده كتير بجد المدرس ده يستاهل احسن مدرس فى كل حاجه
نرجع بقى للفجوات
الفجوه التانيه هى مشكله المايكروفون تصورى ان مدرستنا مافيهاش مايكروفون كويس نقدر نقدم بيه اذاعه محترمه ياريت اكون ماغلطش فى مدرستى علشان بجد هى تستحق كل حب مننا
اهم حاجه نبقى خلاص اصحاب بجد
ok

طالبتى/ايات ارجو منك انتظام بالمدرسة وعدم الغياب وعدم الاعتماد على الدروس الخصوصية حتى تشعرى بمدى اهمية المدرسة وانه لايوجد حصص احتياطى لانه لايوجد غياب فىالمدرسين بل التقصير منكى انتى
مدرستك امال حبيبة

عدد الرسائل : 1 تاريخ التسجيل : 09/04/2009

أهلاً بكى آيات أنا إيناس أنا بعزك أوى يا آيات وبحب المدرسة لأن المدرسة عرفتى على أصحاب كثيرة جداً وفيها المدرسين الممتازين بصراحة كل المدرسين يستحقوا الشكر منهم الأستاذ/أمين عسل والأستاذ/أسامة والأستاذ/ محمد كوزو والأستاذ /طه والأستاذ/جمال والأستاذة سعيدة والأستاذة/حنان والأستاذة /هبة بصراحة كل المدرسين يستهلوا الشكرأنا بحبهم أوى وبحترمهم

أهلاً

انا سمر عبداللطيف . طالبة بالصف الثالث الاعدادى .بحب المدرسة اوى
بحب الرسم والقراءة والكمبيوتر بجنون والموسيقى .احب يكون كل البنات اصحابى وبحب مدرسينى جدا

هاى انا سمورة من مدرالراشدين وحاروح اولى ثانوىالسنادى ان شاء الله يعنى الجد مش الهزار يعنى الالتزام يعنى....يعنى ابقوا شوفوا بنفسكم

عدد الرسائل : 1 تاريخ التسجيل : 16/09/2009

انا ندى صبرى
من مدرسة ادكو الاعدادية العامة
و ف سنة تانية اعدادى
أحب أتعرف على البنات اللى ف المنتدى
وف الأول أحب أقول ألف سلامة على أستاذ محمد و ربنا يشفيه

[quote[b]="نوسة_أنوس"]أهلاً بكى آيات أنا إيناس أنا بعزك أوى يا آيات وبحب المدرسة لأن المدرسة عرفتى على أصحاب كثيرة جداً وفيها المدرسين الممتازين بصراحة كل المدرسين يستحقوا الشكر منهم الأستاذ/الأستاذ/أسامة والأستاذ/ محمد كوزو والأستاذ /طه والأستاذ/جمال والأستاذة سعيدة والأستاذة/حنان والأستاذة /هبة بصراحة كل المدرسين يستهلوا الشكرأنا بحبهم أوى وبحترمهم [/quote][/b]

» إيناس أحمد/أنشط عضو ف المنتدى